وَأُوحِيَ إِلَىٰ نُوحٍ أَنَّهُ لَنْ يُؤْمِنَ مِنْ قَوْمِكَ إِلَّا مَنْ قَدْ آمَنَ فَلَا تَبْتَئِسْ بِمَا كَانُوا يَفْعَلُونَ
നൂഹിലേക്ക് ദിവ്യസന്ദേശം നല്‍കപ്പെടുകയും ചെയ്തു, എന്തെന്നാല്‍ നി ശ്ചയം നിന്‍റെ ജനത്തില്‍ ഇപ്പോള്‍ വിശ്വസിച്ചുകഴിഞ്ഞിട്ടുള്ളവരല്ലാതെ ഇനിആരും വിശ്വസിക്കുകയില്ല, അപ്പോള്‍ നീ അവര്‍ പ്രവര്‍ത്തിച്ചുകൊണ്ടിരിക്കുന്നതില്‍ ആശയറ്റവനാകാതിരിക്കുക!
എന്‍റെ നാഥാ, കാഫിറുകളില്‍ നിന്ന് ഒരാളെയും നീ ഭൂമിയില്‍ അവശേഷിപ്പി ക്കല്ലേ, നീയെങ്ങാനും അവരെ അവശേഷിപ്പിക്കുകയാണെങ്കില്‍ നിന്‍റെ അടിമകളെ അവര്‍ വഴിപിഴപ്പിക്കുന്നതാണ്, അവര്‍ ഫാജിറുകളെയും കുഫ്ഫാറുകളെയുമല്ലാതെ പ്രസവിക്കുകയുമില്ല എന്ന് നൂഹ് പ്രാര്‍ത്ഥിച്ചതായി 71: 26-27 ല്‍ പറഞ്ഞിട്ടുണ്ട്. ഫിര്‍ഔന്‍ സത്യമെല്ലാം അറിഞ്ഞിട്ടും സത്യത്തെ അംഗീകരിക്കാത്ത തെമ്മാടിയായപ്പോഴാണ് 10: 88 ല്‍ വിവരിച്ച പ്രകാരം അവനെതിരായി പ്രാര്‍ത്ഥിക്കാന്‍ മൂസാക്ക് നാഥന്‍ ദിവ്യസന്ദേശം നല്‍കിയത്. ഇന്ന് അദ്ദിക്റിനെ മൂടിവെക്കുകയും തള്ളിപ്പറയുകയും ചെയ്യുന്ന ഫുജ്ജാറുകളായ കാഫിറുകള്‍ മുന്‍കഴിഞ്ഞ ജനതയെക്കാള്‍ അദ്ദിക്റിനോട് വിരോ ധം വെക്കുന്നവരാണ്. അതുകൊണ്ട് ഇന്ന് ഒറ്റപ്പെട്ട വിശ്വാസി മാലിന്യമായ അവര്‍ക്ക് അദ്ദിക്ര്‍ നല്‍കുന്നതിനുപകരം 6: 89 ല്‍ വിവരിച്ച പ്രകാരം ഇതര ജനവിഭാഗങ്ങളിലേക്ക് അദ്ദിക്ര്‍ എത്തിച്ചുകൊടുത്ത് അവരെ അത് ഉപയോഗപ്പെടുത്താന്‍ ഉപദേശിക്കുകയാണ് വേണ്ടത്. 9: 51; 11: 5, 89 വിശദീകരണം നോക്കുക.